Olketa politikol lida blong Malaita ino save waka tugeda: Premier Ramohia

Olketa politikol lida blong Malaita ino save waka tugeda: Premier Ramohia

Olketa politikol lida blong Malaita ino save waka tugeda: Premier Ramohia

Updated 21 March 2017, 16:08 AEDT

Premier blong Malaita Province hem se hem nogut fo lukim olsem olketa elected nasinol an provinsol lida blong Malaita olketa ino save waka tugeda.

Premier Peter Channel Ramohia hem se olketa lida blong Malaita i nid fo sidaon an toktok abaot an planim gut hao fo divelopem provins.

Hem se sem pipol nomoa i voutim olketa so olketa memba blong provins assembly an nasinol palamen i shud waka tugeda.

Bat Premier Ramohia hem se, hem luk olsem taem provinsol gavman hem trae fo kamap wetem samfala tingting fo divelopment, olketa nasinol memba i lukluk nomoa long wanwan konstituensi blong olketa.

Wei wea olketa nasinol an provinsol memba blong Malaita ino waka tugeda hem klia long wanfala Malaita Provincial Leaders summit long Auki long November, and disfala Malaita Day of Prayer and Reconciliation Program wea olketa bin holem long last Sande tu.

Mr Ramohia hem se provins bin seden aot invitesen long olketa nasinol memba blong Malaita bat no eniwan long olketa hem attend.

Nomata olsem, Premier Ramohia hem se disfala program bae olketa kolem evri yia long end blong financial year blong provins so hem laek fo olketa nasinol memba i atendim neks taem.