Solomon gavman mas tingting gut long MOU wetem Indonesia Polis: Dr Tara

Solomon gavman mas tingting gut long MOU wetem Indonesia Polis: Dr Tara

Solomon gavman mas tingting gut long MOU wetem Indonesia Polis: Dr Tara

Updated 28 March 2017, 15:43 AEDT

Politikol saetis blong Pacific an man we i activist tu long olketa isiu blong West Papua i hem se gavman blong Solomon Islands long hem mas tingting gut long tinging blong hem fo long kamapum wanfala Memorandum of Understanding wetem nasinol polis blong Indonesia.

Dr Tarcisius Tara Kabutaulaka hu hem Lecturer long University blong Hawaii hem se, hem i normol samting fo olketa polis force fo waka tugeda andanit long agriment fo faet agensim kraim.
 
Bat hem se long samting olsem 50 years, olketa Indonesian polis ino duim gut waka fo bringim long jastis olketa long saet long military we i save mekem enikaen attrocity an human rights abuse long West Papua.
 
Dr Kabutaulaka hem se Sogavare coalition gavman hem save strong long sapotim olketa West Papua, an hem mas askem hem seleva sapos hem bae save waka gut wetem kaen polis ia blong Indonesia.
 
Hem se Solomon Islands gavman imas askim hem seleva tu sapos ehem bae save gohett fo toktok aot strong agensim olketa abuse an sapotim independence blong West Papua, sapos hem i stap andanit long influens blong polis blong Indonesia.