Temotu Premier hem risaen

Temotu Premier hem risaen

Temotu Premier hem risaen

Updated 29 March 2017, 18:06 AEDT

Premier blong Temotu Province long Solomon Islands hem risain tude bifoa hem i fesim wanfala mosin blong no-konfidens.

Bihaen 17 fala manis nomoa, Nelson Omar Menale hem talem aot long Temotu Provincial Assembly miting tude olsem hem risain and Speaker, Johnson Levela hem akseptim resignesen blong hem.
 
Olketa memba blong provincial assembly bae mit moa Friday moning fo votim wanfala niu premier blong Temotu.
 
Mr Menale hem kamap premier bihaen Baddeley Tau Soakifono hem bin risaen long September last ia olsem premier.
 
Mein risin wae memba blong Fenualoa Ward 1 long Reef, David Maina hem se fo muvum no-konfidens mosin ia tude nao hem from Premier Menale hem no save stap long ofis fo duim waka blong hem.
 
Deputy Speaker and Memba blong Nangu Ward 12 long Santa Cruz, Father Charles Brown Beu hu hem wanfala foma premier tu hem se trifala memba blong executive blong Mr Menale tu ibin risain long gavman blong hem.