David Maina hem niu Premier blong Temotu Province

David Maina hem niu Premier blong Temotu Province

David Maina hem niu Premier blong Temotu Province

Updated 31 March 2017, 14:22 AEDT

Temotu Provincial Assembly hem voutim David Maina, memba blong Fenualoa long Reef Islands olsem niu Premier blong Temotu.

Mr Maina bin win long wanfala vout nomoa taem hem garem 9 fala vout and nara kandidet, Stanley Teiaua hem garem 8 fala vout.
 
Temotu Provincial Assembly hem holem ileksen blong niufala premier bihaen Nelson Menale ibin risain bifoa Mr Maina i muvim mosin blong no-konfidens agensim hem long Wednesday.
 
Mr Maina i naba tri premier blong Temotu insaet long 4-year taem blong dispela provinsol assembly.
 
Wanfala mein risin wae Mr Maina hem bin laek fo autim Mr Menale olsem premier nao hem from hem no save stap long ofis fo duium waka blong hem, and hem tu dastawae samfala memba long Executive blong hem olketa ibin risaen.
 
Speaker blong Temotu Province, Johnson Levela nao hem preside ova long ileksen blong Premier Maina disfala moning.