Pacific Blu Bot wari

Pacific Blu Bot wari

Pacific Blu Bot wari

Updated 4 April 2017, 13:22 AEST

Laen blong Forum Fisheries Agency nau i lukluk long salim wanpla laen igo long Vietnam long toktok wantem gavman long stopim ol pipal blong en isave kam na stilim fish long Pacific rijan.

Director blong  Fisheries Development  wantem Forum Fisheries Agency long Solomon Islands  Mr. Mike Batty,  i mekim despla toktok tede taem ol otoriti long New Caledonia i pulim kalabusim ol bot blong Vietnam long kisim fish nating long ol solwara blong New Caledonia.

Ol ripot itok ol surveilance balus blong France ibin kisim tripla blue bot blong Vietnam em oli bin wok long stilim ol sea cucumber  long ol solwara blong New Caledonia long wik igo pinis.

Despla team blong France  ibin halvim tu ol gavman ofisa blong Solomon Islands long kisim tripla narapla blue bot blong Vietnam ino long taem igo pinis.

Mr Batty i askim tu ol pipal blong Pacific long helpim ol otoriti na waus gut long ol despla kaen bot, na tokaut kuik sopos oli lukim ol despla bot klostu long ol ples blong ol.