New Zealand Pacifika Festival ibin gutpla tru

New Zealand Pacifika Festival ibin gutpla tru

New Zealand Pacifika Festival ibin gutpla tru

Updated 5 April 2017, 11:23 AEST

Lida blong Bilum Export na Promotion Association blong Papua New Guinea itok ol pipal blong Pacific ibin hamamas tru long stap long Pacifika Festival emi bin kamap long New Zealand tupla wik igo pinis.

Sharlene Gawi, Executive Ofisa blong despla association i mekim despla toktok bihaen long emi bin salim planti bilum blong ol PNG mama long despla Festival long Auckland.

Samting olsem 25 kantri blong  Pacific Island em oli bin sanap makim ol bisnis na ol liklik bisnisman-meri ibin stap long despla festival.

Ofis  blong Pacific Islands Trade & Investment em ibin redi-im na lukautim despla Festival itok tu olsem Festival ibin kamap gut tru.

As tingting blong despla Festival em blong helpim ol Pacific Island pipal i painim ol maket long New Zealand.

Sharlene Gawi itokim Radio Australia olsem laen blong en bai go ken Pacifika Festival long 2018.