Moa long 1,000 West Papuan i kamap PNG Citizen

Moa long 1,000 West Papuan i kamap PNG Citizen

Moa long 1,000 West Papuan i kamap PNG Citizen

Updated 11 April 2017, 16:06 AEST

Wanpla lida blong ol West Papua pipal long Papua New Guinea itok tenk yu long gavman long givim citizenship long ol West Papua pipal em oli stap nau long ol refugi kem long kantri.

Fred Mambrasar husat i coordinator blong Free West Papua Campaign group long  PNG i mekim despla toktok tede taem PNG gavman i givim ol nambawan citizenship pepa long moa long wan tausan ol  refugis em oli stap nau long East Awin Camp long Western Provins.
 
Mr Mambrasar i tok planti moa West Papua refugee long arapela hap blong PNG bai kisim PNG citizenship bihain.
 
Emi tok emi hamamas tru long lukim olsem gavman i bihaenim tok promis blong en we ibin mekim sampla yia igo pinis long larim ol  West Papua pipal long kamap tru tru olsem ol PNG pipal.
 
Planti West Papua pipal isave ronowei lusim ples blong ol na go insaet long PNG bihaenim ol heve blong wok politik na tu ol human rights abuse em oli save sutim tok long ol securiti fosas blong Indonesia isave mekim agensim ol.