Sampela Vanuatu Oposisan memba i joinim gavman

Sampela Vanuatu Oposisan memba i joinim gavman

Sampela Vanuatu Oposisan memba i joinim gavman

Postim 12 April 2017, 15:15 AEST

Coalition gavman blong Praim Minista Charlot Salwai long Vanuatu i nau kamap strong moa bihain sampela Memba blong Palamen i lusim Oposisan na igo joinim gavman long aste.

Officer blong Praim Minista i tok long moning tripela memba blong Vanuatu Rural Development Party long Oposisan oli go joinim Leaders Party we i stap insait long gavman.
 
Public Relations Officer, Hilaire Bule i tok long haf past two long aftanun, tupela moa memba long Vanuatu National Party i tokaut tupela i lusim Oposisan na go joinim gavman.
 
Na bihain, em i tok 4 pela moa memba blong Oposisan i bringim ol kastom mat na i givim Praim Minista Salwai, na joinim gavman blongen. 
 
Mr Bule i tok olgeta memba ia i laik joinim gavman long wanem oli lukim gavman i wok long kamapim planti gutpela wok long divelopim kantri, na i laik lukim stabiliti long sait long gavman.
 
Long 52-memba parliament blong Vanuatu, Mr Bule i tok Oposisan i nau gat samting olsem 7 pela memba tasol.