Olketa praeoriti eria fo mekem gud moa selen blong Malaita Province

Olketa praeoriti eria fo mekem gud moa selen blong Malaita Province

Olketa praeoriti eria fo mekem gud moa selen blong Malaita Province

Updated 18 April 2017, 16:13 AEST

Bihaen hem peim baek evri selen wea foma Malaita Provincial Gavman hem bin kaonim, gavman blong Premier Peter Ramohia hem kamap wetem 4 fala praeoriti eria fo mekem gut moa saet long selen blong provins.

Wanfala long olketa ki eria ia nao hem fo impruvum moa saet long revenue blong provins.

Premier Ramohia hem se, Malaita hem biggest provins long Solomon Islands long saet long populesin, bat hem save kolektim nomoa samting olsem 5 million dollar long wanfala yia taem samfala sisimol provins i save kolektem winim tu taem long diswan.

Hem se nara ki eria moa hem fo meksua provins hem garem rait pipol fo duim waka blong province an narawan hem fo meksua provins hem spendem nomoa selen hem bajetim.

Mr Ramohia hem se meke 4 praeoriti nao hem fo meksua Malaita Province hem gohet fo qualifae fo Provincial Capacity Development Fund, wea gavman blong hem hem getem plande million dollar long hem finis fo duim olketa projek insaet long evri ward long provins.