Wanem tru i as blong heve long Manus?

Wanem tru i as blong heve long Manus?

Wanem tru i as blong heve long Manus?

Updated 24 April 2017, 15:13 AEST

Memba blong Manus, Ronny Knight i laik long Minista blong Immigration blong Australia imas go long Manus provins na painim aut gut long wanem tru i as long  fait namel long ol refugees na ol difens fos tupla wik igo pinis.

Mr knight i laik long Minista ia i go toktok wantaim ol lida, polis na difens fos blong kisim trupla stori long wonem samting ibin kirapim dispela heve.
 
Em i mekim dispela toktiok bihain minista Peter Dutton iwok long strongim toktok olsem fait ibin kamap bihaen long ol refugees na asylum seeka ibin kisim wanpla liklik mangri krismas blong en 5 igo insaet long senta na traem mekim pasin nogut long en.
 
Tasol ol polis na lida blong Manus itok despla toktok ino tru, pikinini ia ibin gat 10 pla krismas na ol refugees ibin givim em ol fruits na kakai na emi bin go bek long papa mama blong en na nogat wanpla samting nogut ibin kamap long en.