May namba 1 taem Indonesia i kisim nating West Papua

May namba 1 taem Indonesia i kisim nating West Papua

May namba 1 taem Indonesia i kisim nating West Papua

Updated 2 May 2017, 14:44 AEST

Planti pipal blong West Papua long planti kantri long wold iwok long makim taem we Indonesia ibin go na kisim nating West Papua long nambawan dei blong mun May 1963 na tu oli wok long askim gavman blong Indonesia long larim ol niusman-meri oa journalist igo insaet long West Papua.

Aste laen blong Free West Papua Campaign ibin bung wantem planti tausan pipal na mas long  London, biktaon blong United Kingdom, long soim tingting nolaik long despla pasin em Indonesia ibin isave mekim long West Papua.

Ol ripot ikam long London itok ol despla pipal ibin bung long Trafalgar Square na bihaen oli bin go long Gavman ofis blong Indonesia we oli bin mekim ol protest ken.

Tumora Indonesia bai hostim oa lukautim  #WorldPressFreedomDay" long Jakarta.

Sampla itok, blong wonem na Indonesia i lukautim despla World Press Freedom Day taem emi save tambuim ol journalist long go long West Papua.

Ronny Kareni, West Papua activist long Australia itok May namba 1 emi day blong ol pipal long Wold na ol yangpla blong West Papua  imas lukim olsem taem we oli bin lusim Freedom blong ol taem Indonesia ibin go na kisim nating graon blong ol.