PNG Pangu pati lida itok gavman i bin bagarapim tru ikonomi

PNG Pangu pati lida itok gavman i bin bagarapim tru ikonomi

PNG Pangu pati lida itok gavman i bin bagarapim tru ikonomi

Updated 31 May 2017, 15:33 AEST

Wok kempein blong ol political pati long Papua New Guinea iwok long igo hed strong taem de blong  National eleksen iwok long kamap klostu.

Ol pipol blong Papua New Guinea bai igo long eleksen long makim nupela gavaman em bai kamap long 24 June igo inap long namba de blong mun July.

Na long dispela taim lida blong PANGU  Pati na memba blong Bulolo  Morobe Provins i autim koros blong em  igo long Praim Minista Peter O'Neill na olpela treasurer Patrick Pruaitch long wei oli lukautim ekonomi blong kantri.

Mr Basil i tok emi taim nau long ol pipol blong kantri i lukim na save gut long bagarap blong wok moni blong kantri na save gut long husait ol pipol i go pas long ol dispela bagarap.

Narapela wari blong lida blong PANGU pati em long em no stret long loa long gavaman i go kisim bikpela dinau long ol projek long kantri taim palimen i pas pinis na redi long eleksen..

Dispela ol loan em Mr Sam Basil i toktok long en em long loan blong 3 billion kina long stretrim Highlands Highway na 90 million kina blong ol rot long Alatau long Milne Bay Provins.