Solomon Islands na Australia treaty

Solomon Islands na Australia treaty

Solomon Islands na Australia treaty

Updated 13 June 2017, 14:11 AEST

Gavman blong Solomon Islands and Australia i gohet fo trae steretem wanfala treaty or agrimen long saet long emergency help bifoa Regional Assistance Mission hem lusim kantri long June 30.

RAMSI Public Affairs and Media Manager, Johnson Honimae hem se disfala treaty hem fo meksua Australia hem save sedem help kwiktaem sapos Solomon Islands gavman hem askem long taem blong disasta or wanfala crisis.

Mr Honimae hem se, bihaen RAMSI hem lusim kantri, tufala Australia an New Zealand bae gohet fo help Royal Solomon Islands Police Force andanit long bilateral aid blong tufala.

Hem se diswan hem toktok wea olketa bikman long saet long RAMSI and gavman ibin talem long trifala vilij long  Weathercoast long Guadalcanal an olketa nara peles long kantri.

Olketa pipol long Weathercoast i safa tumas long taem blong ethnic tensions and Mr Honimae hem se, pipol long olketa vilij blong Peochakuri, Kuma an Haliatu i se olketa hapi tumas taem RAMSI hem kam and steretem evri samting.