PNG Sios lida i tok pasin blong rausim sios woka ino stret

PNG Sios lida i tok pasin blong rausim sios woka ino stret

PNG Sios lida i tok pasin blong rausim sios woka ino stret

Updated 14 June 2017, 17:25 AEST

Catholic Archbishop blong  Rabaul long  Papua New Guinea East New Britain province i askim gavman long wonem tru na emi rausim wanpla lay missionary na lawyer Doug Tennent long kantri aste.

Archbishop Francesco Panfilo itok  Mr Tennent ibin wok wantem  Church long helpim ol papa graon long West Pomio husat ibin wok long fait agensim wanpla bikpla Oil Palm na logging kampani blong Malaysia bihaenim wari long graon blong ol.

Mr Tennent istap nau long New Zealand na Archbishop Panfilo itok emi laikim Mr Tennent long go bek long PNG na go hed wantem wok blong en.

Despla tingting blong gavman i mekim katolik sios, na ol narapla NGO laen na ol pipal blong kantri i kros tru na oli tok emi soim olsem gavman isave wanbel tumas long ol foran logging kampani na emi no save wari long ol pipal.

Archbishop Panfilo itok tu olsem sios iwok long wokbung wantem planti laen papa na mama graon, tasol sampla long ol despla pipal isave poret nogut oli kisim heve na oli lusim ol halvim blong sios.

 Long stat blong despla wik, ol ofisa blong Department of Immigration ibin lusim Port Moresby na go long hed kuata blong Katolik sios long NGI long Vunapope we Mr Tennent isave stap na wok na bringim em igo long Port Moresby we oli bin putim em long balus aste na emi go bek long New Zealand. Archbishop Panfilo i askim blong wonem na ol despla ofisa ino laik go long Pomio na askim ol pipal long wonem ol bikpla wari blong ol.