Ol Manus Island refugee i winim 70 million dollar kompensesan

Ol Manus Island refugee i winim 70 million dollar kompensesan

Ol Manus Island refugee i winim 70 million dollar kompensesan

Postim 15 June 2017, 15:40 AEST

Loia blong ol refugee na asylum seeker long Australian imigresan ditensan senta long Manus Island, Ben Lomai i tok em luk olsem em bai rausim dispela keis blong "false imprisonment" we em igat long Supreme Court blong Papua New Guinea.

 
 
Mr Lomai i mekim dispela toktok bihaenim disisan blong Federal Government blong Australia long mekim 70 million dollar out-of -court setolmen igo long 731 detainees long Manus Island.
 
Dispela disisan ibin kam aut long Victorian Supreme Court long aste, long keis we Mr Lomai i tok em ibin givim long bikpela loa kampani, Slater & Gordon long dil wantaim.
 
Immigresan minista blong Australia ibin tokim palamen olsem dispela 70 million dollar komepensesan i gutpela long wanem em bai sevim gavman planti moa moni.
 
Mr Lomai i tok tupela gavman blong Australia na PNG imas nau wok long muvim aut ol asylum seeker na refugees long Manus Island by naba 31 long October olsem ol i tok pinis.