PIF Secretary General Dame Meg Taylor i go vout long PNG ileksan

PIF Secretary General Dame Meg Taylor i go vout long PNG ileksan

PIF Secretary General Dame Meg Taylor i go vout long PNG ileksan

Updated 26 June 2017, 14:50 AEST

Secretary General blong Pacific Islands Forum Dame Meg Taylor i tok emi hamamas tru olsem 200 ol meri bai resis long 2017 ileksan long Papua New Guinea.

Dame Meg Taylor i mekim despla toktok tede long Canberra taem emi redi long go long PNG tumora blong putim vout blongen long Eastern Highlands Provins.
 
Emi tok despla ileksan i opim rot blong planti moa meri long go insaet long ol wok politik long kantri bihaen taem.
 
Dame Meg ibin kamap olsem nambawan meri tru long holim wok olsem secretary General blong Pacific Islands Forum na emi tok emi laik lukim planti moa meri long rijan i holim ol bikpla wok long politiks na tu long gavman.
 
Taim em i kamap long Canberra, Dame Meg Taylor ibin  toktok wantem ol sinia gavman ofisa blong Australian gavman long ol wok blong Forum na ol halvim em Australia i save givim long Forum.
 
Dame Meg  itok despla ol kaen toktok wantem gavman blong Australia na Forum emi save kamap olgeta taem we oli save lukluk long ol wok divelopman long rijan na tu ol halvim long saed blong moni.
 
Australia na New Zealand istap wantem wanpla ten foa kantri insaet long Pacific Islands.
 
Wanpla samting em olgeta kantri long rijan i save wari long en em wari blong Climate Change.