Fiji gavman i soim emi no sapotim West Papua:Activist itok

Fiji gavman i soim emi no sapotim West Papua:Activist itok

Fiji gavman i soim emi no sapotim West Papua:Activist itok

Updated 28 June 2017, 14:28 AEST

Wanpla West Papua activist long Australia itok pasin em polis blong Fiji ibin mekim long sasim wanapla lida blong ol youth long opposition Sodelpa Party i soim tru wonem kaen tingting blong gavman emi no wankaen olsem sapot blong ol pipal  long issue blong West Papua.

Ronnie Kareni i mekim despla toktok bihaen long Fiji polis ibin sasim Jope Koroisavou long wokabaut long Suva wantem morning star flag blong West Papua wantem nem blong sampla pipal em oli bin torturim ol.

Pasin blong sasim Mr Koroisavou ibin kamap tu long day we United Nations i makim olsem  International Day in Support of Victims of Torture long Mande.

Planti tausan pipal blong West Papua isave kisim taem na planti tu i dai pinis long han blong ol gavman blong Indonesia long wonem oli laik kisim indipendans.