RAMSI bai lusim Solomon Islands nao long Fraide

RAMSI bai lusim Solomon Islands nao long Fraide

RAMSI bai lusim Solomon Islands nao long Fraide

Updated 28 June 2017, 16:46 AEST

Fest Special Coordinator blong Regional Assistance Mission long Solomon Islands, Nick Warner hem se hem raet taem nao fo RAMSI hem lusim kantri.

Mr Warner hem se olsem long wanpela big symposium long Honiara tude wea hem pat blong olketa program fo se gutbae long RAMSI afta 14 years.

RAMSI hem bin go long Solomon Islands long 2003 fo stretem ethnic conflict wea hem bin bagarapem saet long sekiuriti, selen blong gavman, waka blong olketa gavman institusin an ikonomi blong kantri.

Mr Warner hem talem nius ripota blong SIBC, Gina Kekea olsem RAMSI hem bin duim gud evri samting hem go fo duim, an hem gut taem fo hem lusim Solomon Islands.

RAMSI hem bin spenden bigfala selen long saet long law and justice, an Director blong Public Prosecution Ronald Talasasa hem se RAMSI hem givim bigfala help tumas long disfala saet.