PNG PM ilektoret ino wanbel long vot dilei

PNG PM ilektoret ino wanbel long vot dilei

PNG PM ilektoret ino wanbel long vot dilei

Updated 30 June 2017, 15:09 AEST

Ol pipol long Ialibu Pangia Constituency blong Prime Minister Peter O'Neill long Southern Highlands ino hamamas long dilei long vout long tede.

Niusman Melvin Levongo i tok i kam inap long dispela apinun ol pipol i wok long weit yet long ol poling stesen long vout, tasol ol balot box na pepa ino kam yet long biktaon long Mendi.

Em i tok dispela dilei i afektim ol pipol we i kam long Port Moresby na ol arapela hap long kantri long vout long ilektoret blong ol long tede.

Levongo i tok ol ileksan ofisal ino toksave yet sapos bai ol i nau surukim vout long Ialibu Pangia igo long wik bihain or nogat.

Em i tok Praim Minister O'Neill em i stap long ples blongen iet na i weit tu long putim vout blongen.