NAIDOC Wik 2017 i makim ol tokples blong ol as peles pipol long Australia

NAIDOC Wik 2017 i makim ol tokples blong ol as peles pipol long Australia

NAIDOC Wik 2017 i makim ol tokples blong ol as peles pipol long Australia

Updated 7 July 2017, 9:39 AEST

Dispela wik long Australia em i National Aborigines and Islanders Day Observance Committee ol i kolim NAIDOC Wik, we Theme oa bikpela toktok long 2017 National NAIDOC Wik nau em i "Our Languages Matter" oa ol tokples blong yumi em i impotant samting.

Sampela Aboriginal grup ibin statim dispela NAIDOC long 1920s em blong mekim ol arapela i luksave long sindaun blong ol Indigenous Australian na tritment blong ol.
 
Nao, long dispela wik igo inap long Sande, bikpela lukluk i stap long impotant samting long sait tokples, hau ol language i save sevaiv, na gutpela samting long hau wanpela i save toktok long tokples.
 
Save man ong sait long Australian na Pacific histori long University blong Queensland, Emeritus Professor Clive Moore i tok, long Melanesia olsem long Papua New Guinea, Solomon Islands, Vanuatu na Fiji yumi yusim yet tokpeles long olgeta de long ol vilis komiuniti blong yumi.
 
Em i tok, ol lokol langus oa tokples em i hap long pasin tubuna oa tradisinal kalsa na kastom blong yumi.
 
Tasol Professor Moore i tok long hia long Australia, ol i lusim pinis planti long ol samting olsem 350 tokpeles na narapela 300 dialect oa liklik wanpisin tokpeles blong ol. 
 
Na nau, sampela lapum we i save yet long tokples i wok long lainim ol yangpela long tokples.
 
Australian High Commission long Port Moresby tu i makim dispela NAIDOC Wik we i lukim ol i ibin putim ap flag blong ol Australia, flag blong ol Aboriginal na flag blong ol Torres Strait Islands.