Helen Hakena i sapotim reserved seats blong ol meri long PNG palamen

Helen Hakena i sapotim reserved seats blong ol meri long PNG palamen

Helen Hakena i sapotim reserved seats blong ol meri long PNG palamen

Postim 27 July 2017, 14:45 AEST

Wanpla lida meri long Papua New Guinea i sutim tok long kalsa we ol man isave go pas long sidaon long ples long stopim ol meri i winim 2017 ileksan.

Helen Hakena, direkta blong Leitana Nehan divelopment agensi long Bougainville na meri husat isave sapotim gender equaliti long kantri i mekim despla toktok bihaen long nogat wanpla meri i winim ileksan.
 
Mrs Hakena itok tu olsem, emi laikim national gavman long kamapim ol reserve seats blong ol meri long Palaman.
 
Emi tok Autonomous Bougainville gavman igat pinis tripla reserve seats blong ol meri na despla loa iwok gut, olsem na emi ting bai gutpla sopos National gavman i mekim wankaen loa.
 
Ibin gat 165 meri namel long ol 3332 kandidet i resis long 2017 ileksan, na i luk olsem nogat wanpla long ol bai go long palaman.