PNC i lusim planti memba na sapot blong pipol long PNG: Sam Basil

PNC i lusim planti memba na sapot blong pipol long PNG: Sam Basil

PNC i lusim planti memba na sapot blong pipol long PNG: Sam Basil

Updated 27 July 2017, 14:50 AEST

Memba blong Bulolo Open long Morobe Provins na Lida blong Pangu Party, Sam Basil i tok ol pipol blong Papua New Guinea ino laikim Prime Minister Peter O'Neill long fomim niu gavman.

Mr Basil i tok dispela no laik i soim aut klia long hau coalition gavman we People's National Congress Party i gopas longen i lusim pinis planti long ol memba blongen.
 
Em i tok planti long ol husat ibin stap long PNC gavman na i lus long ileksa, oli bin win long 2012 ileksan olsem independent memba na PNC i grisim ol.
 
Mr Basil i tok lukaut olsem sapos ol niu independent memba i joinim PNC, bai ol iken lus tu long 2022 ileksan.
 
Em i tok tu olsem Pangu na ol arapela party olsem National Alliance, People's Movement for Change, PNG Party, Melanesian Liberal Party, New Generation, THE Party, National Party na sampela moa i konfident long fomim niu gavman.