Kava Prais i go antap na kamapim wari long Pacific

Kava Prais i go antap na kamapim wari long Pacific

Kava Prais i go antap na kamapim wari long Pacific

Updated 1 August 2017, 14:14 AEST

Wanpla Kava Scientist long Vanuatu itok bikpla prais blong Kava nau i kamapim bikpla wari long ol farmers long Pacific na tu long ol kastom blong ol.

Dr. Vincent Lebot blong  Department of Agriculture na Rural Development i mekim despla toktok bihaenim ol ripot olsem prais blong Kava iwok long go antap tumas long Pacific iet na tu long Wold.

Emi tok, samting emi mekim prais igo antap em bikpla sot long Kava long Vanuatu na Fiji bihaenim ol tropical cyclone olsem Cyclone Winston emi bin hamarim Fiji long 2016 na Cyclone Pam ibin bagarapim Vanuatu long 2015.

Dr Lebot itok tu olsem planti pipal long America, na Europe iwok long iusim Kava, tasol saplai i sot, olsem na prais iwok long go antap.

Ol pipal blong Pacific isave iusim kava long ol  seremoni na tu long taem oli mekim ol kastom wok long ol communiti.