Pacific Meteorological Council na Ministers Miting long Honiara

Pacific Meteorological Council na Ministers Miting long Honiara

Pacific Meteorological Council na Ministers Miting long Honiara

Postim 11 August 2017, 15:50 AEST
Solomon Islands nau iwok long redei long hostim tupla bikpla miting blong ol Pacific  Meteorological Council na Ministerial miting long Honiara long wik bihaen.
 
As tingting blong ol despla miting em blong ol helpim ol gavman long rijan i luksave na redi-im ol weather sevis na ol narapla laen olsem ol disasta management ofis na ol NGO grup long helpim ol pipal long ol taem nogut oa disasta.
 
Lloyd Tahani, Deputy Director blong Solomon Islands Met Service i tok sampla bikpla samting em bai ioli lukluk long en, em wari blong blong climate change na ol heve em climate change isave kamapim long ol solwara, ol weather, na tu ol wara.
 
Solomon Islands, wankaen olsem ol narapla Island kantri blong Pacific nau iwok long bungim sampla heve long climate change, olsem solwara iwok long bagarapim ol nambis na sampla liklik island blong en.