PNG Manus Island klostu bai kisim planti moa polis

PNG Manus Island klostu bai kisim planti moa polis

PNG Manus Island klostu bai kisim planti moa polis

Updated 15 August 2017, 16:14 AEST

Provincial Polis Komanda long Manus provins long Papua New Guinea itok oli wok long wetim sampla moa polis ofisa blong mobile squad long helpim ol wantem wok blong rausim ol asylum seeka na refugees long Australian asylum ditensan senta long provins.

David Yapu i mekim despla toktok bihaenim ol heve wantem moa long 800 ol man long despla senta husat iwok long protest agensim wok blong Australian gavman na PNG gavman long pasim despla senta long mun October.

Komanda Yapu itok tu olsem wok blong ol polis long despla taem emi hard long wonem, namba blong ol i liklik na namba blong ol pipal long senta i bikpla tumas na oli no nap long kontrolim ol.

Long wik igo pinis wanpla asylum seeka blong Iran ibin kilim em iet long Senta, na despla ibin kirapim planti sapota blong ol asylum seeka na refugees long Australia long autim kros blong ol long Australian gavman.