PNG Mosquitoes bai pilai agensim New Zealand long AFL Grand Final

PNG Mosquitoes bai pilai agensim New Zealand long AFL Grand Final

PNG Mosquitoes bai pilai agensim New Zealand long AFL Grand Final

Updated 16 August 2017, 13:09 AEST

Grand final blong International Australian Football League Cup long Melbourne Cricket Ground bai stap namel long tupla team blong Pacific, em iet long PNG Mosquitoes mens team na AFL team blong New Zealand long sarere.

Despla i kamap bihaen long New Zealand ibin winim AFL team blong Ireland aste, na nau bai oli pilai agensim  PNG Mosquitoes mens AFL team em oli holim Championships Cup em oli bin winim long 2014.

Papua New Guinea igat tupla team long despla tournament, em Mosquitoes na Flame team blong ol meri.

Planti kantri long wold ibin stap long despla pilai, olsem, America, China, Ireland, Japan, Pakistan, France, Canada, Nauru na planti ol narapla kantri moa.

Rex Leka emi Senior Football Operations Manager blong  AFL PNG, na emi tokim Radio Australia  olsem Praim Minista blong PNG Peter O'Neill bai kam lukim despla Grand Final long MCG, tasol pastem emi tok oli hamamas tru long pilai long Grand final.