Hop bae emergency treaty wetem Australia i kolektem dast nating nomoa

Hop bae emergency treaty wetem Australia i kolektem dast nating nomoa

Hop bae emergency treaty wetem Australia i kolektem dast nating nomoa

Updated 18 August 2017, 14:44 AEST

Praem Minista blong Solomon Islands, Manasseh Sogavare hem se hem hop bae kantri blong hem, hem no garem eni nid moa fo kolem Aiustralia fo go help fo steretem nara trabol olsem disfala ethnic tensions wea hem bin spoelem kantri.

An hem se hem hop disfala treaty wea Solomon Islands and Australia ibin saenim long Canberra long Mande ia hem stap nating an kolektem dast nomoa.
 
High Commissioner blong Solomon Islands long Australia, Colin Beck hem se Mr Sogavare hem mekem disfala toktok fo haelaetim nid fo kantri hem gohet fo biudim ap moa long peace and stabiliti wea RAMSI hem kakapum finis, an bae hem no garem nid fo askem moa aotsaet help long kaen civil unrest ia.
 
Praem Minista Sogavare hem bin kam mekem ofisol visit long invitesen blong Praem Minista Malcolm Turnbull stat long last Friday kasem long tude.
 
An High Commissioner Beck hem se Mr Sogavare hem bin toktok wetem pipol long saet long gavman blong Australia long olketa eria wea babae tufala save waka tugeda fo bidim ap moa gudfala rilesen folom olketa help blong Australia long taem blong RAMSI.