PNG Fire otoriti i wok painimaut long Haunubada faia

PNG Fire otoriti i wok painimaut long Haunubada faia

PNG Fire otoriti i wok painimaut long Haunubada faia

Updated 22 August 2017, 12:35 AEST

Samting olsem 200 ol femili long bikpla vilis long siti blong Port Moresby long Papua New Guinea i lusim pinis ol haus blong ol bihaenim bikpla fire ibin bagarapim dispela Hanuabada vilis long wikend.

Ol ripot ikam long PNG itok, 15pla haus ibin bagarap long despla faia na nau oli no save bai oli go we.

Bihainim dispela bikpela faia gat wanpela wok painim em PNG Faia Sevis  i kamapim pinis long lukluk long hau dispela faia ibin kamap.

Ekting jif Fire offisa long Port Moresby  Bill Roo itok wok painim blong ol ibin stat long aste na oli wok long traim toktok wantaim ol as ples pipol long kisim klia tingting hau dispela faia ibin kamap.

Emi tok tu olsem  wok painim blong ol i bin hat liklik long wanem sampela pipol long ples em haus blong ol ibin bagarap,ino bin nap long toktok long wanem dispela bagarap istap yet long tingting blong ol.

Nau yet emi tokim mipla olsem  oli no save wanem taim bai oli pinisim dispela wok painim blong ol.