PNG polis minista imas rausim tru ol polis long ol SABL eria

PNG polis minista imas rausim tru ol polis long ol SABL eria

PNG polis minista imas rausim tru ol polis long ol SABL eria

Updated 22 August 2017, 12:57 AEST

Campaign co-ordinator blong ACT NOW PNG, itok oli laikim nupla polis minista long bihaenim tru tok blong en long rausim ol polis ofisa long ol ples em ol special agrikalsa bisnis leases istap long ol.

Eddie Tanango i mekim despla toktok bihaenim toktok em palaman memba blong Gazelle, Mr  Jelta Wong ibin mekim olsem em bai no nap moa long larim  ol polis ofisa long wok wantem ol kampani long ol special agrikalsa bisnis lease erias.

Minista Wong itok tu olsem em bai no larim ol despla polis ofisa long stopim na kamapim trabal long ol papa-mama graon sopos oli mekim ol protes agensim ol kampani.

Despla kaen wok blong S-A-B-L iwok long kamapim ol bikpla wari tru long kantri we klostu olgeta graon istap long han blong ol papa na mama graon.

Mr Jelta Wong i wanpla long ol Palaman memba blong East New Britain provins we planti wok logging na oil palm bisnis iwok long go hed, na kamapim tu planti belheve blong ol papa na mama graon long ol ples olsem Pomio Districk.