Pacific i lusim bikpla tokman blong climate change

Pacific i lusim bikpla tokman blong climate change

Pacific i lusim bikpla tokman blong climate change

Updated 24 August 2017, 14:49 AEST

Wanpla man blong toktok strong long wari blong climate change long Pacific rijan na Foran minista biifo blong Marshall Islands i dai pinis na lusim bikpla wok iet long side blong climate change.

Tony De Brum em krismas blong en 72, ibin wanpla lida blong Pacific em oli lukim olsem ibin mekim planti toktok tru na wok blong kamapim Paris agreement on climate change long 2015.

Planti pipal long wold isave long ol bikpla wok em Mr De Brum, isave mekim long wari blong climate change long Pacific rijan we ol solwara iwok long bagarapim planti Island long rijan na bagarapim sidaon blong ol pipal.

Aste President blong Marshal Islands, Hilda Heine, ibin tok makim Mr De Brum olsem wanpla man we ol pipal blong nau na bihaen taem isave tingim ol despla wok emi bin mekim long daonim wari blong climate change.

Dr Tarcisius Tara Kabutalaka, Associate Professor long  University of Hawai'i's Center for Pacific Islands i tokim Radio Australia olsem mak blong Tony De Brum emi bikpla tumas long fait na sapotim ol pipal blong Pacific rijan.