PNG nau imas iusim death penalty

PNG nau imas iusim death penalty

PNG nau imas iusim death penalty

Updated 23 August 2017, 11:38 AEST

Planti pipal long Papua new Guinea itok gavman imas iusim despla death penalty long ol man husat ibin rapim na kilim wanpla pikinini meri long New Ireland provins long wik igo pinis.

Oli autim ol despla toktok blong ol long social media bihaen long sampla ibin kilim despla pikinini Rose Kimberly em oli bin planim em aste.

Ol ripot ikam long PNG itok, Rose Kimberly husat ibin gat laik long kamap olsem wanpla dokta taem emi pinis skul, ibin lusim elementary skul blong en na emi bin wok long go bek long haus taem ol man ibin rapim na kilim em.

Polis i pulim kalabusim pinis tripla em oli sutim tok long ol ibin kilim despla pikinini.

Dai blong Rose Kimberly i pulim planti sore tru na kros long kantri, olsem na oli askim gavman long iusim death penalty loa na kilim ol despla man.

Ruth Kissam, blong Tribal Foundation we isave wok blong daonim gender based violence long PNG itokim Radio Australia olsem  pasin blong respect long ol meri long kantri i dai pinis.