Swim fo West Papua long Geneva, Switzerland

Swim fo West Papua long Geneva, Switzerland

Swim fo West Papua long Geneva, Switzerland

Updated 30 August 2017, 14:39 AEST

Wanpla laen sapota blong ol West Papua pipal  tede i makim lastpla dei blong swim blong ol long Lake Geneva long Switzerland we bai oli bringim planti tausan ol han mak oa signature blong ol pipal em oli sapotim Freedom blong West Papua.

Sikispla memba blong despla grup blong Britain istap long despla kempein em oli kolim "swim for west papua em oli bin statim aste na i pinis tede.

Bihaen long despla swim bai oli bringim ol despla signature igo long United Nations ofis long Geneva.

Indonesia ibin kisim nating West Papua long wanpla referendum em oli bin kolim long Act of Free choice long 1960's, tasol ol West Papua pipal itok oli no bin wanbel wantem despla vote na nau oli fait iet long lusim Indonesia.

Ol ripot itok, moa long 500 tausan ol West Papua pipal idai pinis aninit long ol wok lukaut blong Indonesia.