Solomon Islands People's Movement Party hem stat

Solomon Islands People's Movement Party hem stat

Solomon Islands People's Movement Party hem stat

Updated 12 September 2017, 9:38 AEST

Samfala yangfala blong Solomon Islands wea i taet finis fo enikaen korapsin wea hem gogohet insaet long gavman olketa i gohet fo statim wanfala politikol party fo takolom disfala issiu.

Disfala politikol grouping olketa i kolem People's Movement Party, an man we hem statim nao hem foma Vice President blong Forum Solomon Islands social media group, Ishmael Nori.
 
Mr Nori hem se taem olketa i registam finis, bae disfala People's Movement Party hem invaetim olketa yang pipol wea i garem sem kaen tingting fo standap long olketa provinsol an nasinol ileksen.
 
Hem se praeoroti blong party ia nao hem fo mekem korapsin hem wanfala sirias ofens wea bae pipol wea i gilti long long hem, bae go long prisin fo longfala taem an save peim bigfala faen tu.
 
RCDF grant wea olketa memba i kontrolom hem samting wea plande long Solomon Islands i lukim olsem hem botom blong plande korapsin, so Mr Nori hem se bae olketa aotem from kontrol blong olketa memba.
 
Mr Nori hem se tu olsem disfala People's Movement Party hem laek fo chengim loa blong Parliamentary Entitilements Commission an lukluk moa long olketa entilement blong olketa memba.