Pacific Forum West Papua Protes

Pacific Forum West Papua Protes

Pacific Forum West Papua Protes

Updated 13 September 2017, 13:55 AEST

West Papua activist itok tenk yu long ol Pacific sapota i mekim peaceful protes long soim sapot long West Papua arasaet long Pacific Forum miting

Wanpla West Papua Activist long Australia itok tenk yu long ol memba blong workers union Samoa First na ol narapla sapota blong West Papua long holim peaceful protest arasaet long Pacific Islands Forum miting long Samoa long wik igo pinis.

Ronny Kareni i mekim despla toktok bihaenim ol ripot olsem Ambassador blong Indonesia long  New Zealand ino bin wanbel wantem ol despla protest blong soim sapot long ol pipal blong West Papua i bruk lusim Indonesia.

Despla Ambassador ibin tok tu olsem miting blong Forum ino bin ples blong ol despla sapota long mekim protest.

Narapla tokman blong Indonesia gavman, Franzalbert Joku, ibin autim wankaen toktok olsem Ambassador Tantowi Yahya, tasol Ronny Kareni itok ol toktok kros em Indonesia gavman  i mekim i soim olsem emi wari long ol bikpla sapot em ol pipal long Pacific na tu long wold igat nau long West Papua.