Indonesia ino bin krosim Pacific Protes long Forum miting

Indonesia ino bin krosim Pacific Protes long Forum miting

Indonesia ino bin krosim Pacific Protes long Forum miting

Updated 14 September 2017, 12:59 AEST

Wanpla West Papua lida na tokman blong gavman blong Indonesia itok ol stori emi bin kamap olsem gavman laen blong Indonesia ino bin wanbel long ol sapota blong West Papua ibin holim peaceful protest arasaet long Pacific Islands Forum miting long Samoa long wik igo pinis ino tru.

Franzalbert Joku, i mekim despla toktok bihaenim ol ripot olsem Ambassador blong Indonesia long  New Zealand ibin kros long ol despla protest blong soim sapot long ol pipal blong West Papua i bruk lusim Indonesia.

Ol ripot ibin tok olsem despla Ambassador, Tantowi Yahya ibin tok tu olsem miting blong Forum ino bin ples blong ol despla sapota long mekim protest.

Planti pipal blong Pacific na ol narapla kantri long wold iwok long autim planti wari long ol heve em ol securiti fosas blong Indonesia isave mekim agensim ol West Papua pipal we oli save bagarapim human rights blong ol.