Solomon Islands UDP Convention

Solomon Islands UDP Convention

Solomon Islands UDP Convention

Updated 15 September 2017, 13:51 AEST

United Democratic Party wea hem party blong Praem Minista Manasseh Sogavare, hem setem ap tufala taskforce fo karem aot review long Constitution blong party, an Manifesto blong party.

Olketa i disaed long tufala taskforce ia long National Convention blong United Democratic Party long Wesdnesday disfala wik long Honiara.

Chairman blong Party Constitution Review Taskforce hem praevet loea, Leslie Kwaiga an Chairman blong Party Manifesto Review Taskforce hem niu Vice President blong UDP, Walton Naezon.

Convention blong United Democratic Party hem putim baek moa Sir Tommy Chan olsem President, Manasseh Sogavare olsem Parliamentary Wing Leader, an Danny Philip hem nara Vice President.

Mr Naezon hem talem Radio Australia olsem, hem impotant fo rivium konstitiusin blong party, an fo lukluk moa long olketa manifesto an lukim wea nao plande long olketa tingting long saet long divelopment long kantri ino kamap tru.

Hem mekem example long enikaen big development projek long Malaita wea olketa toktok abaot fo plade yia, bat nating save kamap tru.