Sam Basil imas noken giamanim pipol blong PNG: Kerenga Kua

Sam Basil imas noken giamanim pipol blong PNG: Kerenga Kua

Sam Basil imas noken giamanim pipol blong PNG: Kerenga Kua

Updated 18 September 2017, 16:12 AEST

Pasin Pangu Pati lida, Sam Basil i lusim opposisan na i go long gavman, bai mekim pipol blong Papua New Guinea i nogat trast long toktok blong ol politikol lida long kantri.

Dispela i toktok blong Kerenga Kua, memba blong Sinasina Yongumugl long Simbu Province na leader blong PNG National Party husat i foma Attorney General na Justice Minista tu.
 
Em i tok, toktok blong Mr Basil long em i go long gavman long mekim isi long em i kisim district services grant blong helpim ol pipol blongen, em i giaman toktok.
 
Mr Kua i tok Mr Basil em i mas kam aut klia na toksave long pipol blong Morobe na Papua New Guinea long trutru risin wai em i go joinim gavman blong Peter O'Neill.
 
Mr Kua i tok em i stap tupela yiar pinis long oposisan na wanpela samting em i save gut olsem, Peter O'Neill i luk save long district grant em i moni blong pipol na maski yu stap long gavman or oposisan, em i save fair long givim dispela moni.
 
Em i tok sapos Mr Basil ibin toktok long "matter of principle" em bai sanap strong long oposisan "come hell or high water" oa olsem maski wanem samting, em bai no tanim tingting blongen.
 
Mr Kua i tok kain pasin blong Mr Basil i putim konfiusin long wok politik blong PNG na bihain taim, ol pipol bai nogat trast na bilip long ol politikol lida long kantri.