Politikol stabiliti long bikpela namba ino minim gud gavman: Kerenga Kua

Politikol stabiliti long bikpela namba ino minim gud gavman: Kerenga Kua

Politikol stabiliti long bikpela namba ino minim gud gavman: Kerenga Kua

Postim 19 September 2017, 13:10 AEST

Papua New Guinea National Party lida, Kerenga Kua i tok stabiliti long bikpela namba insait long gavman, em ino wankain olsem gud gavman.

Em i tok stabiliti long namba em i ken kamapim bad gavman, korapsin, na ol lida long gavman i ken yusim long exploitim oa yusim ol pipol long benefitim ol lida yet.
 
Mr Kua i mekim dispela toktok taim Radio Australia i askim tingting blongen long hau O'Neill gavman i nau gat stabliliti long bikpela namba, bihain planti memba blong Pangu Pati i lusim oposisan na go joinim gavman. 
 
Mr Kua i autim wari tu long planti komiuniti long PNG i nomoa gat respek long ol institusin blong gavman olsem ol kot na polis, na i gohet long kisim loa long han blong ol yet.
 
Em i tok ol dispela i kamap long wanem pasin we pipol i lukim ol pasin nogut long society olsem ol i nau orait.