PNG Hunters Grand Final Fever

PNG Hunters Grand Final Fever

PNG Hunters Grand Final Fever

Updated 22 September 2017, 15:30 AEST

Rugby League fever i nau kamap long Papua New Guinea wantaim PNG Hunters bai pilai long grand final blong Queensland Intrust Super Cup long Brisbane long Sunday.

Pastaim longen, PNG na Australian Prime Ministers 13 bai pilai long Port Moresby long tumora.
 
Long tumora long Port Moresby tu bai ol PNG Orchids national rugby league tim bai pilaim fest test match blong ol agensim ol Jillaroos, em national rugby league tim blong Australila.
 
QRL rugby league ripota long Port Moresby, Melvin Levongo i tok bikpela excitement i stap long olgeta pipol blong PNG long pilai blong ol Hunters long Intrust Super Cup grand final.
 
Em i tok planti long PNG ibin wok long kisim balus long go lukim ol Hunters i pleim ol Sunshine Coast Falcons long Suncorp Stadium.
 
Falcons i wanpela feeder club blong ol Melbourne Storms, so Melvin i tok PNG mangi Justin Olam na 7 pela moa Storms players bai go helpim ol Sunshine Coast Falcons agensim ol Hunters.