Solomon Island PM itok UN imas helpim stopim human rights abuse long West Papua

Solomon Island PM itok UN imas helpim stopim human rights abuse long West Papua

Solomon Island PM itok UN imas helpim stopim human rights abuse long West Papua

Updated 25 September 2017, 13:33 AEST

Praim Minista blong Solomon Islands ibin mekim ol bikpla toktok na askim long United nations general asembli long New York long lukluk na mekim wanpla gutpla rot  long stopim ol human rights abuse long West Papua.

Manasseh Sogavare ibin sutim tok tu long ol lida blong wold long pasim eye blong ol long ol bikpla heve em Indonesia isave mekim agensim ol pipal blong West Papua long planti yia nau.

Indonesia ibin kisim nating West papua long 1960's aninit long wanpla vote em oli bin kolim Vote of Free choice, tasol planti pipal long West Papua ino bin wanbel long despla vote na nau oli fait yet long bruk lusim Indonesia.

Stat long taem Indonesia ibin kisim West Papua samting olsem moa long 500 tausan pipal idai pinis aninit long han blong ol securiti fosas blong Indonesia, long wonem oli no laikim West Papua long bruk lusim Indonesia.

Na despla kaen pasin blong kilim nating ol West Papua pipal i mekim planti Pacific island lida i wari tru na oli laikim United Nations long mekim Indonesia i stopim ol despla kaen pasin nogut.

Praim Minista blong Vanuatu, Charlot Salwai tu ibin mekim wankaen askim taem emi bin givim toktok blong en long United nations general asembli.