Ol PNG lida i welkamim ol SP Hunters hero

Ol PNG lida i welkamim ol SP Hunters hero

Ol PNG lida i welkamim ol SP Hunters hero

Updated 26 September 2017, 15:41 AEST

Ol lida blong Papua New Guinea i givim bikpela luksave na i hamamas wantaim olgeta pipol blong PNG taim ol ibin go bungim ol victorious PNG SP Hunters long Jacksons Airport long Port Moresby long Mande.

Ol Hunters ibin winim ol Sunshine Coast Falcons 12-10 long grand faenol blong Queensland Intrust Super Cup long Brisbane long Sande.
 
Namel long planti pipol we ibin go long bungim ol PNG Hunters tain oli kamap long Jacksons International Airport em i Praim Minister Peter O'Neill, sampela memba blong Cabinet, NCD Gavana na ol representative blong ol sponsor.
 
Long toktok blong tupela, Praim Minister O'Neill na Gavana Powes Parkop i tok hamamas long bikpela achievemen blong ol Hunters makim olgeta pipol blong Papua New Guinea.
 
Long liklik hap toktok blongen, Hunters Coach Michael Marum i tok dispela win em blong ol pipol blong Papua New Guinea.
 
Hunters Captain, Ase Boas i tok tengkyu tu long sapot blong ol fans long olgeta match blong ol Hunters.
 
NCD Gavana Powes Parkop i tok tengkyu long praim minister, ol memba blong cabinet, ol sponsors na ol pipol blong Moresby long go welkamim ol SP Hunters players na official.
 
Em i tok tenkyu long had wok blong ol Hunters - we i soim olsem PNG bai nap long wanem samting sapos oli gat determination olsem ol Hunters.
 
Praim Minister Peter O'Neill tu ibin tok tenkyu long ol PNG Hunters na ol sapotas, na tu long Queensland Rugby League long larim ol Hunters i plei long league blong ol.