Sutim tok long Goroka polis i kukim ol haus na paitim pipol long Banana Block

Sutim tok long Goroka polis i kukim ol haus na paitim pipol long Banana Block

Sutim tok long Goroka polis i kukim ol haus na paitim pipol long Banana Block

Updated 26 September 2017, 15:39 AEST

Long ples Banana Block long Goroka, biktaun blong Eastern Highlands Province planti haus lain i lusim olgeta samting bihain ol oli sutim tok long ol polis kukim haus blong ol long Mande moning.

Namel long ol em i haus blong  papa-mama blong Bongre Anton Peter, liklik 3-year old pikinini boi we ibin gat kansa long rait eye blongen.
 
Ol ibin apil long halvim liklik mangi ia, tasol em i dai pinis long last wik na ol hauslain i stap long haus krai taim ol polis igo kukim haus.
 
Antonia Mission, niusmeri blong NBC Goroka i ripot olsem paia i kukim olgeta haus blong papa-mama blong Bongre na sampela moa haus long ples.
 
Em i tok, tupela Anton na Sinta Peter lusim olgeta samting long haus na i nau gat tasol ol kolos tupela i werim.
 
Tupela i tokim Antonia olsem, 3,000 kina ol pipol i givim long helpim planim pikinini blong tupela i lus tu taim ol polis igo kukim haus.
 
Eastern Highlands Provincial Police Commander Alex N'Drasal em i stap long Port Moresby nau ia, na em i weit long kisim ripot blong wanem ibin kamap.
 

Ol Het-tok: