World Vision PNG i helpim Hanuabada clean-up

World Vision PNG i helpim Hanuabada clean-up

World Vision PNG i helpim Hanuabada clean-up

Updated 26 September 2017, 16:22 AEST

Long wiken Hanuabada villis autsait long Port Moresby ibin bungim bikpela wok long klinim dispela villis olsem pipol bai nogat wari long helt blong ol.

Dispela em foapela yar tingting blong klinim dispela bikpela vilis blong Port Moresby em lain World Vision igo pas long en.
 
Operation Manager blong World Vision PNG, Stella Rumbam tokim Radio Australia olsem oli bin kamapim dispela tingting long las yar.
 
Emi tok bikpela tingting em long tokim ol pipol blong Hanuabada long putim gut pipia blong ol,kamapim gutpela wara sapplai na strongim tingting blong gutpela hygiene long dispela vilis.
 
Gutpela hygiene i karamapim ol samting olsem, noken pekpek na naut long peles, wasim han bihain long pekpek, wasim gut ol kaikai na samting blong kaikai long haus na klinim gut insait na arasait long haus.
 
Long strongim dispela ol tingting, oli bin holim wokshop long bringim ol dispela message igo long ol pipol blong Hanuabada.