Miriori i krosim PM O'Neill long referendum toktok blongen

Miriori i krosim PM O'Neill long referendum toktok blongen

Miriori i krosim PM O'Neill long referendum toktok blongen

Updated 27 September 2017, 17:07 AEST

Toktok blong Praim Minista Peter O'Neill long sait long Bougainville referendum long independence from Papua New Guinea emi denjaras tumas, na em i ken bagarapim olgeta wok we kamap pinis long belisi na divelopment long autonomous region blong Bougainville.

Dispela em i toktok blong Martin Miriori, husat ibin secretary blong foma Bougainville Interim Gavman na wanpela we i go pas long kamapim dispela Bougainville Peace Agreement.

Em i tok referendum vout long sapos Bougainville i bruk lusim Papua New Guinea or gohet i mas kamap, maski Peter O'Neill or PNG gavman i laikim or nogat.

Na Mr Miriori i tok bihain long referendum, sapos PNG gavman ino wanbel long laik blong ol pipol blong Bougainville, em i ting bai gat bikpela backlash long Bougainville na intenasinol komiuniti igo long PNG gavman.

Em i tok taim Mr O'Neill i toktok long Bougainville ino redi long wari long weapons disposal na law na order problem, em i shud lukluk long ples blongen yet long Southern Highlands we igat planti gan na vailans i gohet.

Mr Miriori i tok, long olketa region long Papua New Guinea, Bougainville nau i moa peaceful long taim blong 2017 PNG National Elections.