PNG i dia tumas long ol turis

PNG i dia tumas long ol turis

PNG i dia tumas long ol turis

Updated 27 September 2017, 13:34 AEST

Wanpla turis bisnis man blong Papua New Guinea itok, kantri emi expensive tumas long ol turis igo raon na lukim.

Wako Napasu i mekim despla toktok bihaenim wanpla bikpla turis show em oli kolim "LUKIM  PNG" em oli bin holim long Port Moresby long wik igo pinis.

Planti turis bisnis laen blong papua New Guinea iet, Solomon Islands na ol narapla kantri long wold ibin go stap long despla show.

Mr Napasu itok prais blong ol airfare na ol hotel isave stap antap tumas na despla isave mekim ol turis i les long go lukim PNG.

Emi tok planti turis isave tokim em olsem oli laik go lukim planti hap long kantri, tasol moni blong balus na ol haus blong slip emi stap antap tumas olsem na oli save tingting tumas taem oli lukluk long raon long kantri.

Emi tok tu olsem planti bikpla kalsa sho long kantri olsem Mount Hagen sho, Goroka sho na Mask festival long Rabaul bai save pulim planti moa turis sopos oli no save sasim bikpla moni long ron long balus na tu long slip long ol Hotel.