Baim kompensesan long bagarapim nating nem blong Manus: Michael Sapau

Baim kompensesan long bagarapim nating nem blong Manus: Michael Sapau

Baim kompensesan long bagarapim nating nem blong Manus: Michael Sapau

Updated 3 October 2017, 12:48 AEDT

Wanpela lida blong Manus i tok tupela gavman blong Australia na Papua New Guinea imas baim kompensesan igo long gavman na pipol blong Manus Province.

Gavana blong Manus bipo, Michael Sapau i tokaut long dispela tingting long kompensesan bihain long tupela refugee long Manus we i kamap pinis long stap long Amerika i tok, Manus em i wanpela "hell".
 
Wanpela em i Abdul Ghafar Ghulami na narapela em i Jawad Hussain.
 
Tupela ibin tokim ABC Kentucky long Amerika olsem tupela i hamamas stret long lusim dispela "hell" long Manus bihain long moa long 4 pela yiar.
 
Tasol Mr Sapau i tok em i belhat long pasin oli niusim long world olsem Manus em i wanpela nogut ples.
 
Em i tok as blong ol dispela em i pasin Australia i putim problem blongen igo long Manus wantaim tok orait blong PNG gavman, so tupela imas baim kompensesan long Manus.