Petisan blong 1.8 million West Papuan em ino giaman samting

Petisan blong 1.8 million West Papuan em ino giaman samting

Petisan blong 1.8 million West Papuan em ino giaman samting

Updated 2 October 2017, 15:52 AEDT

Ol West Papua pro-independence lida i tok dispela petisan blong ol we 1-point-8 million pipol ibin sainim, em i makim trutru laik blong ol pipol blong West Papua na em ino wanpela giaman samting.

Lida blong United Liberation Movement for West Papua, Benny Wenda i mekim dispela toktok bihain long toktok blong Indonesia representative long United Nations.
 
Triansyah Djani ibin tok dispela petision em i wanpela "hoax" or giaman samting na i wanpela propaganda samting blong wok politik blong ol lain we i laik bruk lusim Indonesia.
 
Em i tok olsem bihain UN Chairman blong Decolonisation Committee i tok em bai no akseptim petisan we ULMWP lida, i givim long UN last wik.
 
Petisan i askim UN long apointim wanpela special representative long investigatim ol abuses na putim West Papua go bek long UN decolonisation agenda.
 
West Papuan activist long Australia, Ronny Kareni i tok wok long luksave long ol isiu blong West Papua i wok long kamap gud, na bai em i gohet moa long olgeta rijin long wol.