PNG Mendi taon bagarap

PNG Mendi taon bagarap

PNG Mendi taon bagarap

Updated 3 October 2017, 14:14 AEDT

Tupla polisman i dai pinis bihaenim ol bikpla trabal long Mendi, biktaon blong Southern Highlands provins long Papua New Guinea we  planti sevis olsem, ol banks, ol skul, polis, haus sik, na olgeta stua tu i pas.

Despla ol trabal i kamap bihaen long oli bin tokaut olsem nupla gavana blong province em William Powi husat ibin winim narapla man husat ibin resis agensim em Joseph Kobol.

Ol ripot ikam long PNG itok tu olsem wanpla tisa blong Tari Secondary School ibin dai tu bihaen long oli bin kilim em aste.

Ol pipal husat ino sapotim Mr Powi ibin kirapim fait na trabal long Mendi taon long sarere na kukim nabaut ol bisnis wantem tu kar blong Praim Minista Peter O'Neill na bisnis blong en.

Ol i tok ol despla pipal ibin sutim tok long Praim O'neill long oli no hariap long kandim kuik ol vote pastem oli bin tokaut olsem Mr Powi ibin winim despla seat blong gavana long fonde long wik igo pinis.

Mendi polis commander Inspector Edward Aupong itok maski nogat trabal istap nau long Mendi taon, planti pipal long communiti i wari iet.

PNG niusman Melvin Levongo itok planti sevis i pas na despla i kamapim heve long ol pipal long provins.