Pacific Gender equality ino stret iet

Pacific Gender equality ino stret iet

Pacific Gender equality ino stret iet

Updated 9 October 2017, 13:38 AEDT

Wok blong apim  gender equality long Pacific rijan ino kamap gut iet, maski planti bikpla wok igo hed long stretim despla wari.

Yasmin Bjornum blong Action Aid, i mekim despla toktok bihaenim namba 13 Triennial Conference oa miting em planti lida meri blong  Pacific na ol sinia gavman ofisa ibin stap long en long Fiji long wik igo pinis.

Bikpla toktok em oli bin lukluk long en em blong helpim ol meri i mekim ol wok, wankaen olsem ol man, na tu wok blong helpim ol meri i mekim ol liklik wok bisnis blong helpim ol wanwan femili na tu ol ikonomi blong ol kantri blong ol.

Gavman blong Australia ibin sapotim despla miting.

Yasmin Bjornum emi blong Vanuatu na emi bin stap tu long despla miting na emi tokim Radio Australia, pasin blong ol man isave go pas long laif na sidaon blong ol pipal long rijan i mekim i hard long ol meri i mekim ol wok wankaen olsem ol man.
 

Ol Het-tok: