PNG Mendi bisnis i bungim heve

PNG Mendi bisnis i bungim heve

PNG Mendi bisnis i bungim heve

Updated 10 October 2017, 12:45 AEDT

Planti bisnis laen long Mendi town long  Papua New Guinea Southern Highlands province itok ol bikpla politikal trabal long provins iwok long kamapim bikpla heve long ol bisnis blong ol.

Sampla long ol itok oli rausim pinis wokman-meri blong ol long wonem oli sot long moni long baem ol despla wokas.

Mendi town ibin pas long tupla wik nau bihaenim dai blong tupla polisman na wanpla skul tisa em oli bin kilim ol long ol fait namel long sampla laen wan pisin em oli bin wok long sapotim tupla candidate blong gavana blong provins.

Despla ol trabal ibin kamap bihaen long gavman ibin tokaut olsem William Powi bai Gavana na emi bin winim narapla man Joseph Kobol.

Oli bin kukim ol bilding, ol sevis olsem haus sik, airport, ol banks, na NBC tu i pas inap tede.

Lucas Martin emi wanpla bisnisman long  Mendi town na emi tokim Radio Australia, olsem oli bungim bikpla heve tru.